ყველაზე ყოჩაღი
ერთხელ პატარა ბიჭუნები კამათობდნენ. არა, მე ვარ ყოჩაღი, არა მეო. ვინ იცის როდემდე გაგრძელდებოდა მათი დავა, ერთ მოხუცებულ კაცს რომ არ ჩამოევლო.
მან ყური მოჰკრა ბიჭების კამათს და ღიმილმორეულმა გზა განაგრძო. უცებ ქვას ფეხი წამოჰკრა, დაბარბაცდა და ჯოხი ხელიდან გაუვარდა.
ბიჭებს სიცილი აუტყდათ. ერთმა ბიჭმა კი მკვირცხლად მიირბინა მოხუცთან და ჯოხი მიაწოდა. თეთრწვერა პაპამ ჯოხი გამოართვა, გაუღიმა და მახლობლად მდგარ ბიჭებს მიუბრუნდა:
- აი, ვინ არის თქვენში ყველაზე ყოჩაღი: მიხვდით, ბიჭებო? სიტყვით კი არა, საქმით უნდა უჩვენოთ სხვებს, რომ მართლა ყოჩაღები ხართ!
-ბიჭებს შერცხვათ და თავი ჩაღუნეს.
No comments:
Post a Comment